News

अभिनेता विद्युत जामवाल असा झाला ‘जंगली’.

31Views

मुंबई:-

बॉलिवूडमध्ये आपल्या स्टंट्सनं सगळ्यांना आवाक् करणारा अभिनेता म्हणजे विद्युत जामवाल. त्याच्या आगामी ‘जंगली’ चित्रपटात तो असेच काही अनोखे प्रयोग करताना दिसणार आहे. नुकत्याच प्रदर्शित झालेल्या टीझरमध्ये विद्युतच्या ‘अॅक्शनपॅक्ड परफॉरमन्स’ची झलक आपल्याला पाहायला मिळते आहे.

अलीकडच्या काळात बॉलिवूडच्या चित्रपटांमध्ये खूप वेगवेगळे प्रयोग पाहायला मिळत आहेत. तसाच एक अनोखा प्रयोग विद्युत जामवालच्या ‘जंगली’ चित्रपटात पाहायला मिळणार आहे. या चित्रपटाच्या माध्यमातून विद्युत ‘अॅनिमल फ्लो’ नावाची एक नवीनच पद्धत मोठ्या पडद्यावर घेऊन येणार आहे. जिम्नॅस्टिक, योग आणि ब्रेकडान्सिंग या सगळ्याच एक मिश्रण असलेली ही पद्धत आहे. त्यासाठी विद्युतनं दोन वर्ष ‘कलरीपयट्टू’ या मार्शल आर्ट्सच्या पद्धतीचं खास प्रशिक्षणही घेतलंय. ‘अॅनिमल फ्लो’ आणि ‘कलरियपट्टू’ एकमेकांशी निगडीत आहेत. कलरियपट्टूमध्ये असं मानलं जातं की, जगभरात जे वेगवेगळे प्राणी अस्तित्वात आहेत त्या प्राण्यांचे गुण जाणून घेऊन त्याचा आपल्या प्रत्यक्ष आयुष्यात उपयोग करून घेण्याचा प्रयत्न केला तर आयुष्य चांगलं होऊ शकतं. त्यांच्या अस्तित्वातून आपण खूप काही शिकू शकतो. प्राण्यांचं वागणं, त्यांना समजून घेणं यामध्ये ‘अॅनिमल फ्लो’ आणि ‘कलरियपट्टू’ या दोन्हीचा विद्युतला खूप उपयोग झाला. घोडे, साप, विंचू, हत्ती, बेडूक, फुलपाखरू यांसारख्या प्राण्यांचं वागणं समजून घेण्यास त्याला मदत झाली.

‘जंगली’ पिक्चर्सची निर्मिती असलेला ‘जंगली’ हा चित्रपट चक रसेल यांनी दिग्दर्शित केला आहे. विनीत जैन या चित्रपटाचे निर्माते असून प्रीती शहानी सहनिर्मात्या म्हणून या चित्रपटाशी जोडल्या गेल्या आहेत. येत्या ५ एप्रिल रोजी ‘जंगली’ चित्रपट प्रदर्शित होणार आहे.

Nikita Wagde
the authorNikita Wagde

Leave a Reply