News

‘आप’कडून उमेदवार घोषित; काँग्रेससोबत युती नाहीच

14Views

नवी दिल्ली :-

आम आदमी पक्ष (आप) आणि कॉँग्रेस यांच्यात युती होण्याच्या चर्चेला पूर्णविराम देऊन आगामी लोकसभा निवडणुकीसाठी दिल्लीतील सात जागा लढविणार असल्याची घोषणा ‘आप’च्या वतीने शनिवारी करण्यात आली आहे. ‘आप’चे प्रमुख आणि दिल्लीचे मुख्यमंत्री अरविंद केजरीवाल यांनी ट्विटरद्वारे ही माहिती दिली.

‘निवड झालेल्या उमेदवारांचे अभिनंदन आणि शुभेच्छा! सात पैकी सहा उमेदवारांच्या नावांची घोषणा करण्यात आली असून, लवकरच सातव्या उमेदवाराच्या नावाचीही घोषणा केली जाईल. दिल्लीकरांनो, आम्ही यावेळी पूर्ण सामर्थ्याने लढणार आहोत,’ असे केजरीवाल यांनी म्हटले आहे. दरम्यान, आपचे नेते गोपाळ राय यांनी पत्रकार परिषद घेऊन उमेदवारांच्या नावांची माहिती दिली. पूर्व दिल्लीतून आतिश, वायव्य दिल्लीतून गुग्गन सिंग, दक्षिण दिल्लीतून राघव चढ्ढा, ईशान्य दिल्लीतून दिलीप पांडे, चांदणी चौक भागातून पंकज गुप्ता आणि नवी दिल्लीतून ब्रिजेश गोयल लोकसभा निवडणूक लढवतील, असे राय यांनी सांगितले. दरम्यान, ‘आमची आघाडी करण्याची इच्छा होती. परंतु, काँग्रेसच्या नेत्या शीला दीक्षित यांनी ज्याप्रकारे आमचा प्रस्ताव फेटाळला, त्यानंतर अधिक वाट बघण्यात तथ्य नसल्याचे आमच्या लक्षात आले,’ असेही राय यांनी या वेळी सांगितले.

Nikita Wagde
the authorNikita Wagde

Leave a Reply