News

इंधनाचे दर आणखी वाढणार?

75Views

स्टार अपेक्स,स्टाफ न्यूज:-

इंधन दरवाढीमुळे सामान्यांना बसणारी महागाईची झळ आणखी तीव्र होण्याची शक्यता आहे. ऑगस्ट महिन्यात जागतिक पातळीवर क्रुड ऑईलचे उत्पादन प्रति दिन १० कोटी बॅरेल इतके विक्रमी झाले होते. मात्र, येणाऱ्या काही दिवसांत जागतिक घडामोडींमुळे उत्पादन कमी होणार असून इंधन दरात आणखी वाढ होण्याची शक्यता वर्तवण्यात आहे.

इराण आणि व्हेनेझुएला देशातून इंधनाच्या निर्यातीत घट होणार असल्याचे इंटरनॅशनल एनर्जी एजन्सी(आयइए)ने स्पष्ट केले आहे. संस्थेने प्रकाशित केलेल्या अहवालात या देशातून होणाऱ्या इंधन निर्यातीत घट होणार असल्याचे स्पष्ट करण्यात आले आहे. व्हेनेझुएलामध्ये असलेल्या राजकीय अस्थिरतेचा परिणाम कच्च्या तेलाच्या उत्पादनावर होत आहे. तर, अमेरिकेने इराणवर लादलेल्या निर्बंधाचा परिणाम इंधन उत्पादनावर आणि दरावर होत आहे.

येत्या काही दिवसांत व्हेनेझुएलामधील परिस्थिती आणखी चिघळण्याची शक्यता असून लिबीयात अंतर्गत संघर्ष सुरू होणार असल्याची शक्यता ‘आयइए’ने व्यक्त केली आहे. इराणवर अमेरिकेने लादलेल्या निर्बंधामुळे इराणमधून निर्यात होणाऱ्या इंधनात मोठ्या प्रमाणावर कपात झाली आहे. भारत आणि चीन या देशांकडून होणारी इंधन खरेदी कमी झाली असून येत्या काही दिवसात आणखी काही देश इराणकडून इंधन खरेदीत कपात करण्याची शक्यता आहे.

तेलाच्या वाढत्या किंमतीवर नियंत्रण आणण्यासाठी ‘ओपेक’ सदस्य देशांनी क्रुड ऑईलचे उत्पादन वाढवण्याचा निर्णय घेतला होता. मात्र, इराण आणि व्हेनेझुएलामध्ये कमी उत्पादन झाल्यामुळे ओपेक देशांनी वाढवलेल्या उत्पादनाचा फारसा परिणाम झाला नसल्याचे तज्ञ सांगतात.

Nikita Wagde
the authorNikita Wagde

Leave a Reply