News

केंद्राचे १० टक्के आरक्षण नेमके कोणाला?

12Views

कोल्हापूर :-

केंद्र सरकारने लागू केलेले दहा टक्के आरक्षण नेमके कुणासाठी? असा सवाल राष्ट्रवादी काँग्रेसचे अध्यक्ष आणि माजी केंद्रीय कृषीमंत्री शरद पवार यांनी मोदी सरकारला केला आहे. आर्थिकदृष्ट्या मागास सवर्णांना शिक्षण आणि नोकरीत १० टक्के आरक्षणाचा कायदा सरकारने केला आहे. या आरक्षणावर आता विरोधकांनी सरकारला घेरण्याची तयारी सुरू केली आहे.

सवर्णांना दहा टक्के आरक्षण केंद्र सरकारने लागू केले आहे. या आरक्षणावरुन देशात मोठा वाद निर्माण झाला आहे. कुणी याचं समर्थन करतंय. तर कुणी विरोध. कोल्हापूरमध्ये झालेल्या पत्रकार परिषदेत शरद पवार यांनी आर्थिकदृष्ट्या मागास सवर्णांच्या आरक्षणाबद्दल साशंकता व्यक्त केली. आर्थिक मागास आरक्षण कोर्टात टिकेल का? असा प्रश्न पवारांनी उपस्थित केला. तसंच पंतप्रधान कोण होईल, हे आता ठरवणं चुकीचं आहे, असंही त्यांनी स्पष्ट केलं.

चित्रपट पाहून कोणी मत देत नाही

शिवसेनेचे नेते संजय राऊत हे १४ तारखेला ‘ठाकरे’ सिनेमाबद्दल आपल्याला माहिती देणार आहेत, असं पवार म्हणाले. सध्या ‘ठाकरे’, ‘द अॅक्सिडेंटल प्रायमिनिस्टर’ आणि ‘पीएम नरेंद्र मोदी’ हे चित्रपट प्रदर्शित होत आहेत. यातील तुम्ही कोणता चित्रपट बघणार असा प्रश्न पत्रकारांनी पवारांना केला. ‘मी गेल्या ४० वर्षात कुठलाही चित्रपट बघितला. समाजातील बहुतेक क्षेत्रामध्ये फिरत असल्याने चित्रपट बघण्याची गरज पडली नाही. पण चित्रपट बघून कुणी मत देत नाही, असं ‘टिप्पणी शरद पवारांनी यावेळी केली.

पंतप्रधान मोदींची जुमलेबाजी सुरू आहे. देशात त्यांच्याविरोधात असंतोष आणि संतप्त वातावरण आहे. त्यामुळे अलिकडेच झालेल्या विधानसभा निवडणुकीत तीन राज्यांमध्ये भाजपचा पराभव झाला. जनतेमध्ये सरकारविरोधात प्रचंड नाराजी आहे, असं पवार म्हणाले. लोकसभेसाठी राज्यातील जागावाटप अंतिम टप्प्यात आहे. काँग्रेस-राष्ट्रवादीत ३ नव्हे ८ जागांवर तिढा आहे, अशी माहिती पवारांनी दिली. एमआयएम आणि भारिप बहुजन महासंघाच्या वंचित आघाडीबाबतही पवारांनी मत व्यक्त केलं. ओवेसी वगळून प्रकाश आंबेडकर यांच्यासोबत युती करण्यावर पक्षात चर्चा सुरू आहे, असं शरद पवार म्हणाले.

Nikita Wagde
the authorNikita Wagde

Leave a Reply