News

नववर्षानिमित्त अमेरिकन लष्कराचं वादग्रस्त ट्विट

18Views

वॉशिंग्टन :-

अमेरिकेच्या स्ट्रेटेजिक कमांडने नवीन वर्षानिमित्त केलेल्या एका ट्विटवरून चांगलाच वाद निर्माण झाला आहे. अमेरिकन लष्कराला हे ट्विट डिलिट करावे लागले तसेच या ट्विटबद्दल माफीही मागावी लागली आहे. नवीन वर्षाच्या शुभेच्छा देण्यासाठी टाइम्स स्क्वेअरवर पारंपारीक क्रिस्टल बॉलहून मोठा काही तरी पाडण्यासाठी तयार राहा, असं वादग्रस्त ट्विट केल्यानं लष्कराला माफी मागावी लागली.

नवीन वर्षानिमित्त टाइम्स स्क्वेअरवर पारंपारिक क्रिस्टल बॉल पाडला जातो. जर गरज पडली तर आम्ही याहीपेक्षा मोठे काही तरी पाडू, यासाठी आम्ही तयार आहोत, असं ट्विट अमेरिकन सैन्य दलानं केलं होतं. या ट्विटसोबत दोन व्हिडिओ शेअर केले होते. ज्यात बी-२ बॉम्बचा वर्षाव करीत होते. तसेच जर गरज पडली तर याहीपेक्षा मोठे काहीतरी पाडू, यासाठी आम्ही तयार आहोत, असं लिहिलं होतं. स्ट्रॅटेजिक कमांडचे घोषवाक्य आहे की, शांती आमचा व्यवसाय आहे. सोशल मीडियावर या ट्विटवरून मोठा वाद निर्माण झाला आहे. अनेकांनी टीका केल्यानंतर हे ट्विट डिलीट करण्यात आले आहे. तसेच दुसरे ट्विट करून सैन्य दलाने माफीही मागितली आहे.

नवीन वर्षाच्या पूर्वसंध्येला आम्ही केलेले ट्विट हे चांगले नव्हते. ते आमच्या मूल्यांविरुद्ध होते. यासाठी आम्ही माफी मागतो. आम्ही अमेरिका आणि सहकाऱ्यांच्या सुरक्षासाठी कटीबद्ध आहोत, असं दुसऱ्या ट्विटमध्ये अमेरिकन लष्करानं म्हटलं आहे.

Nikita Wagde
the authorNikita Wagde

Leave a Reply