News

नागपूर मेट्रोला मिळाले ३०० कोटी.

36Views

नागपूर :-

लोकसभा निवडणुकांच्या पार्श्वभूमीवर राज्याचे अर्थमंत्री सुधीर मुनगंटीवार यांनी अंतरिम अर्थसंकल्प विधानसभेत सादर केला. या अर्थसंकल्पात नागपूर मेट्रोसाठी ३०० कोटी रुपये मंजूर करण्यात आले. नागपूर आणि पुणे मेट्रोसाठी एकूण ५३० कोटी रुपये मंजूर करण्यात आले.

२०१८-१९च्या अर्थसंकल्पात नागपूर मेट्रोला वाढवून ४६० कोटी रुपये देण्यात आले. अर्थसंकल्पात नागपूर मेट्रोसाठी ३१० कोटीची तरतूद करण्यात आली होती. नागपूर मेट्रो रेल्वे प्रकल्पाची डेडलाइन आता तोंडावर आली आहे. डिसेंबर २०१९पर्यंत प्रकल्प पूर्ण करण्याचे उद्दिष्ट ठेवून महामेट्रोची यंत्रणा कामी लागली आहे. प्रकल्पात राज्य सरकारचा हिस्सा २० टक्के आहे. महापालिका आणि नागपूर सुधार प्रन्यासचा हिस्सा प्रत्येकी पाच टक्के आहे. प्रकल्प अंतिम टप्प्यात असल्याने राज्याचा हिस्सा आणि स्थानिक विकास प्राधिकरणाचा हिस्सा असा एकूण १४२१.२१ कोटी रुपये महामेट्रोला मिळावे, असा प्रस्ताव महामेट्रोकडून पाठविण्यात आला आहे. केवळ राज्याच्या हिस्स्याचा विचार केला तर २०१९-२० च्या राज्य अर्थसंकल्पातून ५३९ कोटी रुपये मिळावे अशी अपेक्षा महामेट्रोला होती.

Nikita Wagde
the authorNikita Wagde

Leave a Reply