NewsSports

पंड्या प्रकरणाचा संघावर परिणाम होणार नाही: विराट

10Views

सिडनी: –

भारताचा अष्टपैलू क्रिकेटपटू हार्दिक पंड्या व सलामीवीर केएल राहुल यांनी एका टॉक शोमध्ये महिलांबद्दल केलेल्या आक्षेपार्ह वक्तव्यावरून सुरू झालेल्या वादावर टीम इंडियाचा कर्णधार विराट कोहलीनं सावध प्रतिक्रिया दिली आहे. ‘पंड्या आणि राहुल यांचं वक्तव्य हे त्यांचं वैयक्तिक मत आहे. त्याचा टीम इंडियाशी संबंध नसून संघावर या वादाचा काहीही परिणाम होणार नाही,’ अशी ग्वाही विराटनं दिली आहे.

‘कॉफी विथ करण’ या टॉक शोमध्ये पंड्यानं महिलांबद्दल आक्षेपार्ह वक्तव्य केलं होतं. त्यावरून मोठा वाद निर्माण झाला आहे. बीसीसीआयचे मुख्य प्रशासक विनोद राय यांनी याची गंभीर दखल घेऊन दोन्ही खेळाडूंवर दोन सामन्यांच्या बंदीची शिफारस केली आहे. या पार्श्वभूमीवर विराटनं त्याचं मत मांडलं. ‘भारतीय संघाचा एक भाग व जबाबदार क्रिकेटपटू म्हणून आम्ही त्यांच्या वक्तव्याचा समर्थन करणार नाही. ती त्यांची व्यक्तिगत मतं आहेत. त्याचा संघातील वातावरणावर परिणाम होणार नाही. आम्ही सध्या संपूर्ण लक्ष क्रिकेटवर केंद्रित केलं आहे,’ असं विराट म्हणाला.

‘पंड्या आणि राहुल यांना पुढील सामन्यात खेळवायचं की नाही याबाबत आताच काही सांगता येणार नाही. बीसीसीआयच्या प्रशासकीय समितीच्या निर्णयावरच ते अवलंबून आहे,’ असंही विराटनं स्पष्ट केलं.

Nikita Wagde
the authorNikita Wagde

Leave a Reply