nagpurruralNews

मनपा तत्पर उद्यानाच्या विकासासाठी.

29Views

नागपूर:-

दिवसेंदिवस शहर वाढत आहे. त्यामुळे शहरातील ज्येष्ठ, लहान मुले यांना फिरण्यासाठी, खेळण्यासाठी जागाही शिल्लक नाही.‌ अशात शहरात असलेली नागपूर महानगरपालिका व नागपूर सुधार प्रन्यासची उद्यानेच एक आधार आहेत. या उद्यानांचा योग्य विकास करून शहरातील नागरिकांना फिरणे, चिमुकल्यांना खेळण्यासाठी हक्काची जागा उपलब्ध व्हावी यासाठी नागपूर महानगरपालिका कटिबद्ध आहे, असा विश्वास उपमहापौर दीपराज पार्डीकर यांनी व्यक्त केला.

नंदनवन येथील नागपूर महानगरपालिकेच्या दर्शन कॉलनी उद्यानाचे रविवारी उपमहापौर दीपराज पार्डीकर यांच्या हस्ते लोकार्पण करण्यात आले. यावेळी विरोधी पक्ष नेते तानाजी वनवे, आमदार सुनील केदार, प्रतोद दिव्या धुरडे, बसपा पक्षनेते मोहम्मद जमाल, माजी खासदार गेव्‍ह आवारी, माजी मंत्री डॉ. नितीन राऊत, माजी मंत्री अनिस अहमद, माजी आमदार अशोक धवड, नगरसेवक कमलेश चौधरी, नगरसेविका मनीषा कोठे, समिता चकोले, आयशा अंसारी, माजी नगरसेविका मालू वनवे, कमल गजभिये, कृष्णकुमार पांडे, परमेश्वर राऊत, संगीता तलमले, धीरज पटोले, चंद्रकांत हिंगे उपस्थित होते.

उपमहापौर पार्डीकर म्हणाले, शहरातील नवीन वस्त्या, लेआऊटमध्ये उद्यानांसाठी जागा आरक्षित ठेवली जाते. आरोग्याच्या दृष्टीने नागरिकांना शुद्ध हवा मिळावी, त्यांना व्यायाम करता यावे यासाठी या उद्यानांमध्ये सुविधा असणे आवश्यक आहे. यासाठी मनपाद्वारे कार्यवाही सुरू असून उद्यानांचा विकास करून तिथे ग्रीन जिम लावली जात आहे. याशिवाय मुलांना खेळण्यासाठी योग्य मैदान उपलब्ध व्हावेत यासाठी केंद्रीय मंत्री गडकरी यांच्या पुढाकाराने शहरातील खेळाच्या मैदानांचाही विकास होणार असल्याचेही उपमहापौरांनी सांगितले.

प्रास्ताविकात विरोधी पक्षनेते तानाजी वनवे म्हणाले, नागरिकांना योग्य सुविधा मिळाव्या हाच उद्देश असून यासाठी मनपाच्या बंदावस्थेतील शाळेच्या जागेमध्ये हे उद्यान व्हावे यासाठी काही वर्षांपासून प्रयत्न सुरू होते. १९८५मध्ये नासुप्रकडून शाळेसाठी ही जागा घेण्यात आली होती. शाळा बंद पडल्यानंतर या जागेचा योग्य उपयोग होणे आवश्यक होते. परिसरातील नागरिक व चिमुकल्यांना खेळण्यासाठी जागा नसल्याने या ठिकाणी उत्कृष्ठ उद्यान साकारण्याची संकल्पना होती ती पूर्ण झाली. कार्यक्रमात परिसरातील ज्येष्ठ नागरिकांचा सत्कार करण्यात आला. यावेळी नागरिकांसाठी मनोरंजनात्मक कार्यक्रमाचेही आयोजन करण्यात आले होते.

Nikita Wagde
the authorNikita Wagde

Leave a Reply