News

‘मोदींच्या राज्यातही जवानांचे बलिदान व्यर्थच’

9Views

मुंबई :-

पुण्यातील लष्कराचे मेजर शशिधरन व्ही. नायर हे जम्मू-काश्मीरमध्ये दहशतवाद्यांनी घडवलेल्या स्फोटात शहीद झाले. केंद्रातील यापूर्वीच्या काँग्रेस सरकारमध्ये आणि आता मोदींच्या राज्यातही जवानांचे बलिदान व्यर्थच जात आहे, असा घणाघाती हल्ला ‘सामना’च्या अग्रलेखातून उद्धव ठाकरे यांनी सरकारवर केला आहे. रडगाणी व आक्रोश; मेजर शशीधरन, माफ करा!… या आजच्या अग्रलेखातून उद्धव ठाकरे यांनी केंद्र सरकारच्या पाकविषयीच्या धोरणावर टीका केली आहे.

‘आमचे तरुण लष्करी जवान जम्मू-कश्मीरमध्ये रोज मरत आहेत. या जवानांची छाती किती इंचांची ते माहीत नाही, पण ते कोणतेही रडगाणे न गाता लढत आहेत. काँग्रेसचे राज्य असतानाही लढत होते व आता मोदींचे राज्य आले तरीही त्यांची लढाई व हौतात्म्य संपलेले नाही. चौकीदाराने याची दखल घेतली पाहिजे. राज्यकर्त्यांनी शहीद मेजर शशीधरन नायर यांच्या घरी जाऊन त्यांची माता, पत्नी व बहिणीचा आक्रोश समजून घेतला पाहिजे. रडगाणे व आक्रोश यातला फरक जेव्हा कळेल तो सुदिन. मेजर शशीधरन माफ करा, जवानांचे बलिदान तसे व्यर्थच जात आहे’, असं सामनाच्या अग्रलेखात म्हटलं आहे.

‘मेजर शशीधरन व त्यांचे वीर साथी सीमेवर पाकिस्तानशी लढत होते तेव्हा आमचे राज्यकर्ते म्हणवून घेणारे काय करीत होते? रामलीला मैदानावर सुरू असलेल्या भाजपच्या राष्ट्रीय अधिवेशनात पंतप्रधान मोदींसह बरेच मंत्री-मुख्यमंत्री हजर होते व २०१९ मध्ये पुन्हा मजबूत सरकार आणण्याचे भाषण ठोकीत होते. याचा अर्थ काय घ्यायचा? २०१४ मध्ये संपूर्ण बहुमताचे सरकार मोदींनी स्थापन केले ते मजबूत नव्हते काय? ते ‘पोकळ’ होते काय? असे साडेचार वर्षांनंतर सांगणे हा मतदारांनी दिलेल्या बहुमताचा अपमान आहे, अशी टीका शिवसेनेने अग्रलेखातून केली आहे.

Nikita Wagde
the authorNikita Wagde

Leave a Reply