News

समुद्र मार्गाने दहशतवादी हल्ला करू शकतात:-नौदल प्रमुख.

45Views

नवी दिल्ली:-

*पुलवामा येथील दहशतवादी हल्ल्याचं भयानक रूप सगळ्यांनीच पाहिलं आहे.

*भारताला अस्थिर करू पाहणाऱ्या देशाचा दहशतवाद्यांना पाठिंबा, नौदल प्रमुखांचा पाकिस्तानवर निशाणा

जम्मू-काश्मीरमधील पुलवामा येथील दहशतवादी हल्ल्याचं भयावह रूप सगळ्यांनीच पाहिलं आहे. भारताला अस्थिर करू पाहणाऱ्या देशाचा त्या दहशतवाद्यांना पाठिंबा आहे. दहशतवाद्यांना वेगवेगळ्या प्रकारे हल्ले करण्याचे प्रशिक्षण देण्यात येत आहे. समुद्र मार्गानेही दहशतवादी हल्ला करू शकतात, अशी शक्यता नौदल प्रमुख अॅडमिरल सुनील लांबा यांनी बोलून दाखवली.

संरक्षण क्षेत्रातील तज्ज्ञ आणि राजनैतिक अधिकाऱ्यांच्या एका कार्यक्रमात नौदल प्रमुख लांबा बोलत होते. एका देशानं पुरस्कृत केलेल्या दहशतवादाचे परिणाम भारत भोगत आहे, असं म्हणत त्यांनी पाकिस्तानवर अप्रत्यक्ष निशाणा साधला. तीन आठवड्यांपूर्वी जम्मू-काश्मीरमध्ये झालेल्या दहशतवादी हल्ल्याचं भयावह रूप सगळ्यांनीच बघितलं आहे. भारताला अस्थिर करू पाहणाऱ्या देशाचा दहशतवाद्यांना पाठिंबा आहे. इंडो-पॅसिफिक क्षेत्रातील देशांना गेल्या काही वर्षांत दहशतवादाची मोठी झळ बसली आहे. जगातील काही देशच यातून वाचले आहेत. आता दहशतवाद वैश्विक पातळीवर पोहोचला आहे. त्यामुळं धोका अधिकच वाढला आहे, असंही ते म्हणाले.

 

 

 

Nikita Wagde
the authorNikita Wagde

Leave a Reply